Zhvillim
Zvicra, 7 milionë e 500 mijë franga për punësimin e të rinjve në Kosovë
Është nënshkruar Marrëveshja për projektin "Rritja e punësimit të të rinjve" projekt ky që do të zgjasë deri më 2020"
Ministri kosovar i Punës dhe Mirëqenies Sociale, Arban Abrashi dhe Patrick Etienne, drejtor i Zyrës zvicerane për bashkëpunim në Kosovë, nënshkruam sot ( e premte) një Marrëveshje bashkëpunimi për punësimin e të rinjve kosovare. Marrëveshja “Rritja e punësimit tek të rinjtë” (EYE) parashikon një ndihmë helvetike prej 7 milionë e 570 mijë frangash zvicerane.
“Synojmë që marrëveshja të krijojë një treg dinamik dhe gjithëpërfshirës të punës, që siguron gjithnjë e më shumë vende pune, duke përfshirë vetëpunësimin e të rinjve në Kosovë. Falënderim i veçantë për Qeverinë Zvicerane e cila vazhdimisht ka përkrahur institucionet dhe popullin e Kosovës, përmes projekteve konkrete”, shkruan ministri Abrashi në rrjetin social facebook.
Ndryshe, kjo është faza II (2) “Rritja e punësimit të të rinjve” e cila do të zgjasë deri më 31 dhjetor 2020.
“Qëllimi i fazës së II të projektit EYE, është që të kemi një treg dinamik dhe social gjithëpërfshirës të punës, që siguron gjithnjë e më shumë vende pune, duke përfshirë vetë-punësimin e të rinjve në Kosovë. Me implementimin e këtij projekti do të ketë rezultate të cilat u mundësojnë të rinjve të Kosovës të fitojnë shkathtësi adekuate për të rritur punësimin e tyre përmes një sistemi trajnimi të orientuar drejt tregut”, thotë Abrashi.
Marrëveshje do t’u mundësojë të rinjve, të bëjnë zgjedhje të informuara për karrierë dhe fitojnë më shumë mundësi punësimi me anë të një sistemi të përmirësuar të ndërmjetësimit të punës. Po ashti, sipas të të njëjtit njoftim, bizneset dhe ndërmarrjet shoqërore do të rriten dhe investojnë në vende të reja pune në sektorë të cilët kanë potencial ekonomik.
Për implementimin e këtij projekti Qeveria Zvicerane ka ndarë shumën prej 7,570,000.00 CHF (shtatë milion, pesëqind e shtatëdhjetë mijë franga zvicerane), fonde këto që do të përdoren ekskluzivisht për zbatimin e projektit në bashkëpunim me Ministrinë e Punës dhe Mirëqenies Sociale.
Të tjera nga Zhvillim
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore