25 vjet duke i ndihmuar fëmijët e varfër në Shqipëri

Franz Winsauer këtë projekt e kishte nisur 25 vjet më parë. Prifti kishte vizituar Mirëditën, ku kishte parë varfërinë e madhe, por nuk është ndalur me projekte të njëpasnjëshme, duke i ndihmuar në forma të ndryshme

Prifti Franz Winsauer nga Austria që 25 vjet merret me projekte për të ndihmuar Shqipërinë, veçanërisht të varfrit, shkruan ‘vn.at’.

Ai këtë projekt e kishte nisur 25 vjet më parë. Prifti kishte vizituar Mirditën, ku kishte parë varfërinë e madhe, por nuk është ndalur me projekte të njëpasnjëshme, duke i ndihmuar në forma të ndryshme, përcjell albinfo.ch.

Mungesa e shkollave të arsimit dhe qendrat shëndetësore, ishin disa nga problemet në Shqipërinë e Veriut. “Projekti Shqipëria” vepron që 25 vjet dhe ka pasur shumë ndryshime që nga atëherë.

Kujdesi mjekësor është përmirësuar duke dhënë donacione në tetë qendra shëndetësore, kurse u vendosën edhe 40 km gypa të ujit. Gjithashtu u ndërtua një fushë, që ishte objekt i parë i financuar, derisa e dyta ishte ndërtimi i një kishte të vogël. “Ne i trajtojmë njerëzit me respekt dhe vlerësim”, thotë Winsauer, duke shtuar: “Ne nuk iu ndihmojmë njerëzve me të holla, por vetëm me donacione si veshje, aparate për shtëpi dhe ushqim”.

Projekti i tij është vlerësuar lart dhe ka marrë çmime. Edhe një delegacion nga Shqipëria me kryetarin e Mirëditës kanë nderuar priftin 80-vjeçar, duke i dhuruar emblemën e artë të Bashkisë së Mirëditës. Tani ai dëshiron që punën e tij ta marrin të rinjtë.