Personi i dyshuar për vrasje në Mitrovicë, i dëbuar nga Zvicra për krime

Mediat rajonale, flasin se personi që dyshohet se e vrau për një tavolinë të rezervuar të restorantit, E. K është një kosovar i dëbuar nga Zvicra dhe me një bagazh kriminal në shtetin helvetik.  

Vrasja që ndodhi tri ditë më parë në Mitrovicë ka shokuar gjithë qytetarët e këtij rajoni, për faktin se u vra një djalë i ri (24 vjeç), ndërsa vrasësi u arratis. Por, mediat rajonale flasin se personi që dyshohet se e vrau të riun R.K është një kosovar i dëbuar nga Zvicra dhe me një bagazh kriminal në shtetin helvetik.

I vrari në Mitrovicë është E. K. ndërsa siç raporton “gazetametro” nga burime brenda Policisë së Kosovës, autori i vrasjes dyshohet të jetë Arton Bajrami i cili e ka ndërruar emrin dhe tani e ka Sadik. Ky i fundit është dëbuar nga Zvicra pasi kishte vuajtur dënimin prej 5 vjetësh burg, për një grabitje të cilësuar “të rëndë”.

Ndryshe, Policia është vënë në kërkim të tij që nga dje, pasi i njëjti është i dyshuar si dorasi i vrasjes së E.K, që ndodhi ditën e premte në Mitrovicë. Policia akoma nuk është rënë në gjurmë të tij, por njoftohet se janë duke u zhvilluar kërkime dhe hetime intensive. Ndërsa në mediat lokale, i dyshuari për vrasje, tha se nuk është autor i krimit.