Lazarati votoi 91 % për PD-në

Partia Demokratike, fituese vetëm në dy qarqe, Shkodër dhe Kukës, rezultatin e saj më të mirë e ka marrë në Lazarat, me 91 për qind të votave

KEYSTONE

Në zgjedhjet Parlamentare në Shqipëri ka pasur disa rezultate befasuese dhe spektakolare, ku Partia Socialiste ka fituar 74 mandate, duke shënuar një fitore historike.

Në rang qarku, fitorja më e thellë e PS-së është regjistruar në Vlorë, ku ky subjekt ka marrë 60.3 për qind të votave. Por brenda qarkut, rezultati më i lartë është shënuar në qytetin e Vlorës, ku Partia Socialiste ka marrë 64.2 për qind të votave. Ky është një rekord historik, raporton “TCH”.

Partia Socialiste ka arritur fitore të mëdha edhe në Fier e Librazhdë, përcjell albinfo.ch.

Në Durrës, socialistët morën gati 50 për qind të votave, ku rezultati më i thellë u vendos në Shijak, me gati 56 për qind të votave.

Ndërsa Partia Demokratike, fituese vetëm në dy qarqe, Shkodër dhe Kukës, rezultatin e saj më të mirë e ka marrë në Lazarat, me 91 për qind të votave.