Me “Një lule për Jasharët” nis manifestimi “Ditët e Diasporës”

Manifestimi filloi me homazhe te varrezat e familjes Jashari, me moton “Një lule për Jasharët”

Nën patronatin e Ministrisë së Diasporës, në kompleksin memorial “Adem Jashari” në Prekaz, të martën mbrëma u mbajt manifestimi tradicional “Dita e Diasporës”, në të cilin morën pjesë një numër i madh i bashkatdhetarëve dhe përfaqësues të komunave e deputetë të Parlamentit të Kosovës.

Manifestimi filloi me homazhe te varrezat e familjes Jashari, me moton “Një lule për Jasharët”. Me këtë rast ministri në detyrë i Diasporës, Valon Murati, para një numri të madh të bashkatdhetarëve tha se Prekazi është dëshmia më e mirë se liria erdhi si produkt i përpjekjeve të pareshtura të popullit tonë për liri, përpjekje gati njëqindvjeçare, të cilat në fund gjetën përkrahjen edhe të botës demokratike. “

Prekazi dhe sakrifica e Jasharajve për liri janë vlera universale, andaj i takojnë mbarë botës dhe njerëzimit”, tha ndër të tjera ministri Murati.

Më pas para të pranishmëve është dhënë një programin kulturor-artistik i grupit muzikor vokal “Kvali” nga Sllovenia të udhëhequr nga muzikologia Alma Bejtullahu, ikona e muzikës së vjetër qytetare Nezafete Shala.