Integrimi
Mbrëmje informative në gjuhën shqipe për fitimin e pasaportës zvicerane
Në këtë mbrëmje që mbahet enkas për shqiptarët dhe është pa pagesë, mund të marrin pjesë të gjithë të interesuarit për procedurën e natyralizimit
Më 1 janar 2018 hyn në fuqi ligji i ri, më restriktiv për fitimin e pasaportës së Zvicrës. Siç ka shkruar në vazhdimësi edhe albinfo.ch, me qëllimin që sa më shumë të huaj që përmbushin kriteret për të fituar pasaportën zvicerane, të bëjnë kërkesën përkatëse, gjithandej nëpër Zvicër zhvillohen aktivitete në këtë drejtim.
Edhe organizata humanitare Caritas, më 26 shtator organizon një mbrëmje informative në gjuhën shqipe me po këtë qëllim. Në këtë mbrëmje që mbahet enkas për shqiptarët dhe është pa pagesë, mund të marrin pjesë të gjithë të interesuarit për procedurën e natyralizimit.
Me këtë rast, nën drejtimin e një eksperti juridik do të trajtohen çështjet në vijim:
- Çfarë duhet të bëj, nëse dua të natyralizohem?
- Si mund ta përmirësoj statusin tim të qëndrimit në Zvicër?
- Çfarë ndikimi ka shfrytëzimi i ALV, IV dhe ndihmës sociale në statusin tim të qëndrimit?
- Si mund ta sjell familjen në Zvicër?
Dihet se një numër i konsiderueshëm i shqiptarëve që jetojnë në Zvicër nuk e kanë ende shtetësinë zvicerane edhe pse i kanë plotësuar kushtet ligjore. Për këtë arsye Caritas u bën apel të gjithë atyre që të vijnë më 26 shtator dhe të informohen se si mund ta shfrytëzojnë këtë të drejtë. Për pjesëmarrje nuk ka nevojë për paralajmërim.
Kur: E martë, më 26 shtator 2017, nga ora 19.00 – 21.00 (në gjuhën shqipe)
Ku: Pestalozzi Bibliothek Hardau, Schulhaus Albisriederplatz, Norastr. 20, 8004 Zürich.
Info rreth ngjarjes
- Data e fillimit26 Shtator 2017
- Ora19:00
- LokacioniCyrih
- Data e përfundimit3 Gusht 2017 - 10:00
Të tjera nga Integrimi
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse