Zjarret në Shqipëri, ministrat apelojnë qytetarët  

Dy ministra të qeverisë ai i Punëve të Brendshëm, Dritan Demiraj dhe ministrja e Mbrojtjes Mimi Kodheli kanë ngritur alarmin për këtë situatë

Përhapja e zjarreve në pyjet e Shqipërisë ka vënë në alarm  institucionet e këtij vendi. Dy ministra të qeverisë ai i Punëve të Brendshëm, Dritan Demiraj dhe ministrja e Mbrojtjes Mimi Kodheli kanë ngritur alarmin për këtë situatë. Dy ministrat kanë thënë se zjarr vënia është e qëllimshme dhe kjo konsiderohet si e paprecedentë dhe se rrezikon sigurinë kombëtare.

“I nxehti ka bere që në  vendin tonë për tashme dy muaj të ketë shumë zjarre. Drejtoria e përgjithshme e emergjencave civile, zjarrfikësit, policia e shtetit, forcat e armatosura, bashkitë, prefekturat po punojnë natë e ditë për të vendosur situatën nën kontroll. Inkurajoj të gjitha këto struktura që po luftojnë me zjarret në çdo cep të territorit për të shpëtuar njerëzit dhe pasurinë kombëtare. Zjarrvënia e qëllimshme rrezikon sigurinë kombëtare dhe përgjegjësit do te kapen e dënohen”, ka thënë ministri Demiraj transmeton albinfo.ch.

Ndërsa ministrja e Mbrojtjes Mimi Kodheli  thotë se kjo është situatë thuajse e paprecedentë nga veriu në jug për shkak të zjarreve. “Por më të tmerrshëm e bën fakti që janë të qëllimshme”, shkruan Kodheli në profilin e tij në facebook.