“Novosti”: Pasuria e Serbisë në Kosovë është 200 miliardë dollarë

“Vlera e përgjithshme e pasurisë serbe në Kosovë është rreth 200 miliardë dollarë e në pronësi të shtetit të Serbisë është 29 për qind e tokës së Kosovës”, shkruan më tej “novosti”

Portuguese flag above cheering crowd

Autoritetet në Serbi pretendojnë se me shpalljen e pavarësisë së Kosovës dhe privatizimin e pronës shoqërore, Serbia ka humbur në Kosovës rreth 200 milionë euro. Prandaj propozimi i ministrit serb për punë të jashtme të Serbisë, Ivica Daçiqit për caktim kufijsh ndërmjet serbëve e shqiptarëve në Kosovë, vazhdon të mbetet temë në medie serbe.

Sipas gazetës së Beogradit “novosti”, e cila e citon ministrin Daçiq, Beogradi pret kompensim financiar për pasurinë private e shtetërore që sipas kësaj gazet, e ka uzurpuar Kosova, transmeton Koha.net.

Siç thotë ky medium, “me privatizimin ilegal janë tjetërsuar shumë ndërmarrje të Serbisë, të cilat, “kanë pasur 1.350 objekte në Kosovë”. “Fondi për zhvillimin e Serbisë ka pjesë në pronësinë e 155 ndërmarrjeve me vlerë 180 milionë euro”, thuhet më tej në shkrimin e kësaj gazete.

“Vlera e përgjithshme e pasurisë serbe në Kosovë është rreth 200 miliardë dollarë e në pronësi të shtetit të Serbisë është 29 për qind e tokës së Kosovës”, shkruan më tej “novosti”.

Kjo konsiderohet një lojë e Serbisë në relacion me Kosovën, sidomos pas partitë politike dhe shoqëria kosovare kërkon kompensim nga Serbia për dëmet e luftës në Kosovë. Regjimi i Serbisë gjatë luftës së fundit (1998-1999) ka djegur qindra mijëra shtëpi të shqiptarëve, ka dëmtuar pronën shoqërore, publike,  si dhe ka vrarë dhjetëra mijëra civilë shqiptarë.