Rama kritikon ambasadorët, u thotë se s’ka më diplomatë burokratë

"Nuk ka vend për diplomatë që nuk kanë kulturën që të artikulohen në gjuhën amtare, lëre më pas në një gjuhë të huaj"

Keystone

Kryeministri Edi Rama ka qenë shumë kritik ndaj ambasadorëve të Shqipërisë në misione diplomatike. Ai në takimin me ta u ka thënë se nuk do të ketë më vend për burokratë në shërbimin e jashtëm.

“Ende kemi diplomatë delenxhi e parazitë për të cilët ju bëj thirrje të ngrini zërin në komunikimet tuaja me lidershipin politik të Ministrisë së Jashtme. Ndërkohë ende gjendet ndonjë timonier allçak. Nuk ka vend për diplomatë që nuk kanë kulturën që të artikulohen në gjuhën amtare, lëre më pas në një gjuhë të huaj. Nuk duhen individë që nuk janë në gjendje t’i kuptojnë rrjedhat politike dhe t’i përkthejnë sipas interesave tona”,  ka thënë kryeministri në takim.