Lajme
Aksident tragjik në bjeshkët e Deçanit, dy të vdekur 4 të lënduar
Policia e Pejës ka njoftuar se sot pasdite, në bjeshkët e Deçanit, dy persona kanë humbur jetën ndërsa 4 të tjerë janë lënduar. Në këtë aksident ishte përfshirë një veturë e cila kishte rënë në humnerë
Dy persona kanë humbur jetën ndërsa katër të tjerë janë lënduar nga rrokullisja e një veture në Bjeshkët e Deçanit. Lajmin e ka konfirmuar edhe Drejtoria e Policisë Rajonale në Pejë, sipas të cilëve, aksidenti ka ndodh në orën 15:30 min, kurse viktimat që janë nga një fshat i Deçanit, gjendeshin në veturën e cila ka përfunduar në humnerë.
“Informoheni se sot më datën 25 gusht 2017 rreth orës 15:30 në bjeshkën e Pobërgjes-Deçan gjegjësisht te stanet, ka ndodhur aksident trafiku me pasojë vdekjen e dy (2) personave dhe lëndimin e katër (4) të tjerëve. Në ketë aksident ishte i përfshirë një automjet i tipit Toyota, me targa vendore. Viktima të këtij aksidenti janë: G.N 1974 (43 vjeç) dhe A.N 2001(16 vjeç)”, thuhet në njoftim.
Burri 43 vjeç, sipas policisë, ka ndërruar jetë në vendin e ngjarjes ndërsa viktima 16 vjeçarja ka ndërruar jetë në spitalin rajonal në Pejë.
“Vdekjen e tyre e ka konstatuar ekipi mjekësor, në këtë rast lëndime kanë pësuar katër (4) persona, të cilët tre nga këta nga vendi i ngjarjes janë dërguar në Spitalin Rajonal Pejë për trajtim mjekësor, ndërsa një nga të lënduarit, për shkak të lëndimeve të rënda është dërguar në Qendrën Klinike Universitare të Kosovës në Prishtinë”, thuhet në njoftimin e Policisë.
Sipas të dhënave preliminare dyshohet se aksidenti ka ndodhur deri sa ngasësi i veturës ishte duke qarkulluar ne rrugët malore, në këtë rast i njëjti del jashtë rruge dhe bie në humnerë.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Sa banorë të huaj bëhen shtetas zviceranë çdo vit? Të dhënat e reja të qeverisë zbulojnë se sa shtetas të huaj bëhen zviceranë dhe cilët...
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale