18,3 miliardë euro plus në arkat gjermane

Për shkak të gjendjes së mirë ekonomike shteti gjerman ka arritur të mbledhë një rekord të ri në arkat e tij, një plus prej 18,3 miliard eurosh, vlera më e lartë e siguruar nga vetë shteti që nga bashkimi i Gjermanisë

Ekonomia gjermane nuk po ka të ndalur. Në tremujorin e dytë prodhimi i brendshëm bruto është rritur me 0,6% me pasojë një rekord të ri plus në arkat e shtetit gjerman.

Rritja e investimeve dhe një konsumator gjerman në zell blerjesh kanë bërë që për herë të dytë edhe në këtë tremujor ekonomia gjermane të rritet me 0,6%, bën të ditur Zyra Federale e Statistikave, raporton “DW”.

Hovi ekonomik vjen nga brenda vendit. Mjaft kompani gjermane kanë rritur investimet, ndërkohë që edhe konsumi ka shënuar rritje me 0,8%, përcjell albinfo.ch.

Për shkak të gjendjes së mirë ekonomike shteti gjerman ka arritur të mbledhë një rekord të ri në arkat e tij, një plus prej 18,3 miliard eurosh, vlera më e lartë e siguruar nga vetë shteti që nga bashkimi i Gjermanisë.