Tematike
Imami i akuzuar: “Nuk kam predikuar urrejtje fetare, fajet i ka përkthyesi”!
Përkthyesi, sipas tij, gjatë përkthimit e ka shtrembëruar me qëllim predikimin e tij, duke dashur ta paraqesë imamin si njeri të urrejtjes
Javën e kaluar bëri bujë të madhe në mediat zvicerane rasti i imamit libian, Abu Ramadan, i fajësuar për përhapje të urrejtjes ndaj “jobesimtarëve” dhe për shfrytëzim të padrejtë të sistemit social të Zvicrës.
Ai, sipas emisionit “Rundschau” të televizionit SRF dhe sipas gazetës “Tages Anzeiger”, në predikimet e tij në një xhami në Biel/Bienne kishte propaganduar për dhunë ndaj atyre që nuk janë myslimanë. Në të njëjtën kohë, ky imam ka shfrytëzuar rreth 600 mijë franga të ndihmave sociale në Zvicër, transmeton albinfo.ch. Rreth njëzet vjet sa jeton këtu, ai nuk ka punuar asnjëherë dhe po ashtu nuk e ka mësuar asnjërën nga gjuhët e vendit.
Pas publikimeve në mediat e përmendura, u mor vesh se Sekretariati Shtetëror për Migracion ia kishte hequr atij pak javë më parë statusin e azilit që imami e kishte fituar si i përndjekur nga Libia.
Ndërkohë, Abu Ramadan ka dhënë një intervistë për gazetën “Tages Anzeiger”, në të cilën i mohon të gjitha akuzat që i bëhen. Si më pikantja ndër përgjigjet që ai ka dhënë në intervistë është ajo se “fajet i ka përkthyesi”. Ky i fundit, sipas tij, gjatë përkthimit e ka shtrembëruar me qëllim predikimin e tij, duke dashur ta paraqesë imamin si njeri të urrejtjes, përcjell albinfo.ch. Imami pranon se gjatë kohës sa qëndron në Zvicër nuk ka punuar asnjëherë, gjegjësisht se ka jetuar në kurriz të shtetit, por thotë se ka pasur të drejtë për këtë. “Shteti nuk i ka gjetur punë dhe as nuk ia ka financuar studimet”.
Po ashtu për mos mësimin e gjuhës, përgjegjësia bjen te shteti, pasi që nuk i ka siguruar ndjekje të kurseve përkatëse.
Një pikë delikate në rastin e imamit është shkuarja e tij rreth dhjetë herë në Libi, si vizitor, përkundër faktit se ai kishte ikur si i përndjekur pikërisht nga regjimi i atjeshëm. “Nuk e kam ditur se nuk kam të drejtë të shkoj”, ka qenë arsyetimi i tij.
Por riatdhesimin eventual në Libi apo edhe në ndonjë shtet tjetër arab ai e sheh të pamundshëm, me rrezik për jetën. Nga ana tjetër, ai ka qenë së paku dhjetë herë si shoqërues profesional i grupeve në udhëtimet për në Mekë, vendin e shenjtë të myslimanëve. Për këto udhëtime thotë se nuk është paguar nga askush por vetëm i është mbuluar udhëtimi dhe qëndrimi në hotel.
Se si do të përfundojë puna lidhur me statusin e qëndrimit të tij në Zvicër ende nuk dihet saktësisht, pasi që lënda e tij është në përpunim, transmeton albinfo.ch. Por, sipas përgjegjësve dhe ekspertëve të fushës, është pothuajse e sigurt se ai nuk mund të dëbohet nga Zvicra, respektivisht të riatdhesohet në vendin prej nga ka ardhur.
Të tjera nga Tematike
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
19-vjeçarja zvicerane bën një zbulim spektakolar, nderohet me çmim special Gjimnazistja 19-vjeçare Nora Artico nga shkolla e mesme e Münchenstein u nderua me çmimin special “European...
-
Ja sa janë rritur fitimet e shefave të sigurimeve shëndetësore në Zvicër
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës