Edhe në Maqedoni mund të ketë zgjedhje të parakohshme

Partitë politike opozitare shqiptare shprehen njëzëri për të shkuar drejt zgjedhjeve të parakohshme

Shumica e partive politike shqiptare mbështesin propozimin për zgjedhje të parakohshme, pas paralajmërimit për ngritjen e mocionit të mosbesimit të Qeverisë.

LSDM, si një nga forcat më të mëdha të opozitës paralajmëroi se në muajin e ardhshëm do t`i dorëzojë Parlamentit mocionin për mosbesimin e Qeverisë së koalicionit VMRO-DPMNE dhe BDI, njofton portali i lajmeve, INA.

Partitë politike opozitare shqiptare njëzëri janë për të shkuar drejt zgjedhjeve të parakohshme. Demokracia e Re bëri të ditur se mbështet çdo propozim që vjen për largimin e kësaj qeverie. PDSH, gjithashtu ka paralajmëruar se është e gatshme për t`u ballafaquar në zgjedhje të parakohshme.

Partia shqiptare në pushtet BDI bëri të ditur se do të shqyrtojë kërkesën e fundit dhe paralajmërimet për mocionin e mosbesimit të Qeverisë nga opozita maqedonase.