Euro forcohet edhe më shumë

Hera e fundit kur 1 euro këmbehej mbi 134 lekë ka qenë data 2 qershor

Ilustrim

Euro po forcohet çdo ditë e më shumë në Shqipëri. Monedha e përbashkët është këmbyer në tregun vendas 133.65 lekë, sipas kursit zyrtar të Bankës së Shqipërisë.

Hera e fundit kur 1 euro këmbehej mbi 134 lekë ka qenë data 2 qershor.  Ndikuar dhe nga tregjet ndërkombëtare, euro në Shqipëri po rifiton terrenin e humbur, përcjell albinfo.ch.

Monedha e përbashkët europiane kishte një periudhë të dobët gjatë sezonit veror, ku nivelin më të ulët e shënoi në datë 27 qershor, dy ditë pas zhvillimit të zgjedhjeve të përgjithshme, kur këmbehej 131.9 lekë.

Dollari ka vazhduar të nënçmohet në Shqipëri, ku është këmbyer me 111.56 lekë, apo rreth 0.32 lekë më pak se një ditë më parë.