Diaspora voton nga 4 deri më 17 nëntor

Periudha e votimit për raundin e dytë të zgjedhjeve për kryetar të Komunave fillon më 4 nëntor dhe përfundon më 17 nëntor

Më 19 nëntor do të mbahet raundi i dytë i Zgjedhjeve Lokale në Kosovë, apo balotazhi, në 19 komuna të Kosovës.

Edhe në këto zgjedhje mund të votojnë qytetarët të cilët jetojnë jashtë Kosovës, dhe të cilët kanë qenë paraprakisht për të votuar në raundin e parë të zgjedhjeve lokale.

Periudha e votimit për raundin e dytë të zgjedhjeve për kryetar të Komunave fillon më 4 nëntor dhe përfundon më 17 nëntor, përcjell albinfo.ch.

Komisioni Qendror i Zgjedhjeve do të ju dërgojë fletëvotimet, megjithëkëtë, në ueb faqen e KQZ-së www.kqz-ks.org, nga 4 nëntori ju mund të shkarkoni fletëvotimin për kryetar Komune.

Mënyra e dërgimit e fletëvotimit të plotësuar është e njëjtë sikurse edhe në raundin e parë. Zarfin kthyes me fletëvotimin dhe dokumentin identifikues brenda, duhet ta dërgoni përmes postës, në këtë adresë të KQZ-së:

Komisioni Qendror i Zgjedhjeve, Republika e Kosovës, Votimi Përmes Postës, Posta nr. 6, KUTIA 351, 10 000 Prishtinë, Kosovë.

Fletëvotimet duhet të arrijnë në KQZ më së largu deri më 17 nëntor 2017.