Rita Ora dhe Bebe Rexha bashkojnë forcat

Dy këngëtaret shqiptare, Rita Ora dhe Bebe Rexha do të sjellin një këngë së bashku. Por, në këngën e re e cila pritet të lansohet në janar të vitit të ardhshëm do të marrin pjesë edhe Charli XCX dhe Zara Larsson, shkruan ‘mtv.co.uk’.

Lajmin e ka bërë të ditur vetë Rita Ora, që theksoi se kënga ‘Girls’, do të dalë vitin e ardhshëm, përcjell albinfo.ch.

Madje, Rita ka shtuar se pjesë e kësaj këngë mund të jetë edhe dikush tjetër. Rita Ora është një nga këngëtaret më të njohura jo vetëm shqiptare, por në mbarë botën, derisa shumë e suksesshme është edhe Bebe Rexha.

Të dyja këngëtaret mezi presin bashkëpunimin dhe lansimin e këngës për janar të vitit të ardhshëm.