Shkurt.ch
Shkaktari i vdekjes së Elidës mund t`i shpëtojë dënimit me burg
“Do të sqarohet nëse bëhet fjalë për vrasje nga pakujdesia. Dhe në raste të tilla, sipas rregullit, shqiptohen vetëm dënime me kusht”, ka thënë një ekspert juridik
Pensionisti i cili nga pakujdesia çoi në vdekje vajzën 19 vjeçe Elida Osmanin, shqiptare nga Maqedonia, duket se do të shpëtojë pa vuajtur burgun. Ish dentistit tash 80 vjeçar, ka kohë që i është ndaluar ngasja e veturës por ai, pas aksidentit të fatal të para tri ditëve, policëve u ka treguar një patentshoferi të vjetër, të pavlefshëm, shkruan blick.ch. Ndalimi i ishte shqiptuar për shkak të ngasjes së shpejtë të makinës rrugëve të fshatit.
Për të kundërshtuar ndalimin e përmendur, është shtyrë nëpër gjyqe, duke shkuar deri në shkallën më të lartë të gjyqësisë zvicerane, në Gjykatën Federale.
Megjithatë, ekspertët thonë se 80 vjeçari mund të shpëtojë nga vuajtja e dënimit me burg efektiv, përkundër faktit se në ndërgjegjen e tij rëndon një jetë e humbur njeriu, shkruan albinfo.ch. “Do të sqarohet nëse bëhet fjalë për vrasje nga pakujdesia. Dhe në raste të tilla, sipas rregullit, shqiptohen vetëm dënime me kusht”, ka thënë një ekspert juridik për gazetën blick.
Por, ka shtuar ai, nëse megjithatë dënohet pa kusht (me burg efektiv), ai duhet ta mbajë burgun pavarësisht nga mosha e tij e shtyrë. Megjithatë, në një rast të tillë ekziston mundësia që ai, në kuadër të masës së dënimit, të vendoset në ndonjë shtëpi të pleqve ose në ndonjë repart spitalor të burgut.
Por, ende nuk është sqaruar deri në fund zhvillimi i ngjarjes, se si ka ndodhur që ish dentisti të shkilte për vdekje Elida Osmanin. Deri në sqarimin përfundimtar, edhe për të vlen prezumimi i pafajësisë.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter