Rita Ora me rroba banje në “MTV EMA 2017”

Keystone (Photo by Vianney Le Caer/Invision/AP)

Ceremonia e ndarjes së çmimeve “MTV European Music Awards” u zhvillua mbrëmjen e së dielës në Londër, e që tërhoqi vëmendjen e të gjitha mediave, transmeton albinfo.ch.

Në këtë ceremoni ashtu siç kemi raportuar edhe më parë kanë marr pjesë katër shqiptarë.

Këngëtarja Rita Ora që ka prezantuar programin ka befasuar të gjithë me veshjen e saj.

Ora befasoi me atë dalje me rroba banje në tapetin e kuq, por edhe gjatë prezantimit. 26-vjeçarja i ka mahnitur të gjithë me perfomancën e saj.

Përpos prezantimit me një peshqir, Ora u ndërrua shumë herë madje dallonte shumë nga njëri stil te tjetri.

Kjo ka rënë në sytë e medieve botërore, teksa “Billboard” e ka përzgjedhur këtë ndryshim ndër gjërat më të mira të ceremonisë së famshme, transmeton albinfo.ch.

Sipas “Billboard”, ndryshimet e Ritës u mirëpritën nga audienca sepse përshtateshin me çdo prezantim të saj.

Në këtë ceremoni, me çmimin “Artistja më e mirë e re” doli kosovarja tjetër Dua Lipa.