Java e ardhshme, me mot të ftohtë dhe reshje bore

Sipas IHMK-së, gjatë javës të mbajë mot relativisht i ftohtë dhe me kushte për reshje të dobëta bore, kryesisht në dy ditët e para të javës

Instituti Hidrometeorologjik i Kosovës ka njoftuar se gjatë pesë ditëve të ardhshme, shteti i Kosovës do të ndikohet nga masat e ajrit me presion të lartë atmosferik, ndërsa do të kemi mot të ftohtë dhe me ngrica. Sipas Institutit, në këto kushte do të mbajë mot relativisht i ftohtë dhe me kushte për reshje të dobëta bore, kryesisht në dy ditët e para të javës.

“Gjatë javës parashihet të ketë intervale me diell dhe vranësira të pjesshme. Temperaturat minimale parashihet të lëvizin ndërmjet -5 deri-2 gradë Celsius, ndërsa maksimalet e ditës parashihet të lëvizin ndërmjet 3-7 gradë Celsius”, thuhet një njoftimin e IHMK-së.

Po ashtu, sipas Institutit, do të fryjë erë nga drejtimi i verilindjes dhe juglindjes me shpejtësi deri 8 metra për sekondë.