Instagrami nis fushatën për mbrojtjen e kafshëve dhe natyrës

Sipas njoftimit nga ky rrjet social, më nuk do të lejohet abuzimi me kafshët dhe shitjet e tyre në këtë aplikacion

Duke nisur nga kjo javë, kur një person kërkon për hashtagë të lidhur me sjellje të dëmshme ndaj kafshëve apo ambientit në rrjetin social Instagram, do të shohë një këshillë në ekran.

Sipas njoftimit nga ky rrjet social, më nuk do të lejohet abuzimi me kafshët dhe shitjet e tyre në këtë aplikacion.

“Mbrojtja dhe siguria e natyrës janë të rëndësishme për ne dhe gjithë botën. I inkurajojmë të gjithë që të mendojnë për lidhjet me kafshët e egra dhe ambientin për të ndihmuar shmangien e shfrytëzimit dhe të raportojnë çdo foto apo video që mendojnë se mund të thyejë rregullat”, ka njoftuar Instagrami.

Kur tani një përdorues do të kërkojë për kafshët e egra në këtë rrjet social do të shfaqet një këshillë “Mbroje Jetën e Egër në Instagram” duke njoftuar përdoruesit se “po kërkoni një hashtag që mund të lidhet me postimet që inkurajojnë sjelljet e dëmshme ndaj kafshëve apo ambientit”.

Vetëm pasi të shihni këtë ju mund të vazhdoni tutje apo të anuloni veprimin, transmeton Albinfo.ch.