Ministri Gashi në ceremoninë e ndarjes së çmimeve në Berlin

Kujtim Gashi  po merr pjesë në ceremoninë e edicionit të 30-të të Evropian Film Awards 2017, në Berlin të Gjermanisë

Me ftesë të presidentit të Akademisë Evropiane të Filmit, Wim Wenders, ministri kosovar i Kulturës, Kujtim Gashi  po merr pjesë në ceremoninë e edicionit të 30-të të Evropian Film Awards 2017, në Berlin të Gjermanisë, transmeton albinfo.ch.

Ministri Gashi e ka shfrytëzuar këtë ngjarje për takime të ndryshme. Ndër më të rëndësishmit ishte takimi me ministren e Kulturës së Lituanisë, Liana Ruokytė-Jonsson, me të cilën njoftojnë se kanë diskutuar për mundësitë e bashkëpunimit në fushën e kulturës.

Gashi e Roukytė-Jonsson u pajtuam që së shpejti të ndërmarrim hapa për konkretizimin e këtij bashkëpunimi. Në këtë ngjarje të rëndësishme në sferën e kulturën, ministri Gashi po ashtu ka takuar dhe ka bashkëbiseduar me një numër të konsiderueshëm të filmbërësve, regjisorëve e aktorëve.

Në festivalin e filmit po merr pjesë edhe ish ministri Memli Krasniqi dhe drejtori i Qendrës Kinematografike, Arben Zharku.