Francois Gabart vendos rekord të ri në udhëtimin rreth globit

Marinari francez, Francois Gabart, mbërriti në portin e Brestit, duket thyer rekordin e mëparshëm për udhëtim me anije në mbarë globin. 34-vjeçari Gabars ka vendosur një rekord të ri prej 42 ditë, 16 orë, 40 minuta e 35 sekonda.

Kësisoj, ai ka lundruar për 6 ditë e 10 orë më shpejt se rekordi i deritanishëm. Gabart raportoi se anija e tij “Macif” e kapërceu vijën e finishit në orët e hershme të së dielës.

“Ja ku jemi, kam veshur një xhaketë më të trashë, pasi po bëhet paksa ftohtë, siç e shihni. Nuk e di se çfarë ka ndodhur këto javë të fundit në këtë pjesë, por është pak e çrregullt”, tha Gabart.

Marinari francez, Thomas Coville, e vendosi rekordin e mëparshëm prej 49 ditë, 3 orë, 7 minuta e 38 sekonda, kur ai kaloi vijën e finishit në brigjet e Brittany më 25 dhjetor 2016.