Këshilli Federal miraton planin sektorial të azilit

Këshilli Federal në mbledhjen e tij të sotme ka bërë një hap më tutje në jetësimin e procedurës së re, unike të azilit dhe ka miratuar planinm sektorial për azilin (SPA)

Me ligjin e rishikuar të azilit, të cilin populli me të drejtë vote e kishte votuar me shumicë bindëse, procedurat e azilit shpejtohen në mënyrë të dukshme. Por një parakusht për këto procedura të shpejtuara është hapja e qendrave federale të azilit ku bëhet vendosja “nën një kulm” e të gjitha palëve në procesin e azilit, thuhet në një komunikatë të lëshuar sot nga SEM.

Këshilli Federal në mbledhjen e tij të sotme ka bërë një hap më tutje në jetësimin e procedurës së re, unike të azilit dhe ka miratuar planinm sektorial për azilin (SPA), shkruan albinfo.ch. Ky plan përcakton vednet ku do të hapen qendrat e reja federale të azilit.

Ligji i ri e detyron federatën që qendrat fedreale të azilit në të ardhmen t`i realizojë brenda një procedure të miratimit të planit që zëvendëson procedurat e zakonshme të lejeve të ndërtimit.

Për rastet me ndikim të rëndësishëm në mjedis, kërkohet procedura ashtuquajtur “Plani Sektorial”. Sipas tij do të përcaktohet planifikimi i përafërt i qendrave të reja federale të azilit dhe do të koordinohen interesat e ndryshme të planifikimit hapësinor.

Planin Sektorial të Azilit e ka hartuar në dy vitet e fundit Sekretariati Shtetëror për Migrim (SEM) në bashkëpunim me Zyrën Federale për Zhvillimin Hapësinor (ARE) dhe me përfshirjen e zyrave federale dhe agjencive kantonale.

Për 13 nga 18 hapësirat e pretenduara për ngritjen e qendrave të tilla SEM së bashku me kantonet dhe komunat tashmë ka arritur ta marrë pëlqimin.