Opozita maqedonase do ta bllokojë pikën doganore të Qafë-Thanës

Opozita maqedonase ka njoftuar se në shenjë proteste do të bllokojë për një orë sot pasdite pikën doganore të Qafë Thanës.

Lajmin e ka bërë të ditur Drejtori i Kufirit e Migracionit në Korçë, transmeton albinfo.ch.

“Me datë 21.12.2017, jemi njoftuar nga pala maqedonase, se në Pikën e Kalimit Kufitar Qafë-Thanë, do të ndërpritet puna në hyrje dhe në dalje, nga ora 17.00 deri në orën 18.00, për shkak të një proteste të opozitës maqedonase”, thuhet në njoftim.

Opozita në Maqedoni ka vazhduar me protesta që nga nisja e arrestimeve të fundit të deputeteve të saj që dyshohen se kanë shkaktuar dhunë në parlamentin e Maqedonisë.

VMRODPMNE fajëson Tiranën zyrtare për ndihëm që u ka dhënë partive shqiptare për platformën e përbashkët që kjo parti e kundërshton fuqishëm.