Frikë te udhëtarët, aeroplani gati përfundon në det

Keystone

Një aeroplan i Pegasus Airlines me kapacitet prej 168 pasagjerë për pak nuk është zhytur në det, pasi ka rrëshqitur në pistën e ngrirë në aeroportin e Trabzon në Turqi, raportojnë mediat ndërkombëtare.

Fluturimi i 737-800, nuk mundi të ndalej në pistë gjatë aterrimit, ku rrotat hasën në ngrica, për çka edhe doli nga pista dhe përfundoi në breg të Detit të Zi, përcjell albinfo.ch.

Kompania ka njoftuar se askush prej 162 udhëtarëve nuk është lënduar përveç që ka pasur të shqetësuar me atë që ka ngjarë. Britma grash dhe fëmijësh janë dëgjuar gjatë evakuimit.

Udhëtarët kanë qenë në panik, derisa edhe nga pamjet shihet se sa afër ka qenë aeroplani për të rënë në det, ku sigurisht se pasojat do të ishin më të mëdha.

Megjithatë, të gjithë kanë shpëtuar pa u lënduar, përveç ‘frikës që kanë marrë me vete’.

Aeroporti i Trabzon u mbyll për disa orë për të vazhduar më pas normalisht.