2.7 milionë punëtorë u paguan më pak se paga minimale

Rreth 43 për qind e të punësuarve në ndërmarrjet private morën më pak se paga minimale

2.7 milionë punonjës janë paguar më pak se minimale në vitin 2016 në Gjermani, sipas një studimi.

8 % e punëtorëve që kishin të drejtën e pagës minimale të parashikuar në atë kohë prej 8.50 euro në orë, nuk e morën atë, bëri të ditur Instituti i Shkencave Ekonomike dhe Shoqërore (WSI) në Fondacionin Hans Böckler, përcjell albinfo.ch.

Sipas këtij studimi gjithashtu janë gjetur shkelje të ligjit, veçanërisht në industritë që përfshijnë bizneset e vogla. Rreth 43 për qind e të punësuarve në ndërmarrjet private morën më pak se paga minimale. Në industrinë e hotelerisë, kjo shifër e vitit 2016 ishte 38 për qind dhe në sektorin e shitjes me pakicë 20 për qind.

Në përgjigje të studimit, Shoqata më e madhe shoqërore në Gjermani, VdK, ka kërkuar që të vendosen kontrolle më të rrepta të pajtueshmërisë dhe të mbyllen zbrazëtirat në pagimin e pagave.

Vitin e kaluar, kompanitë që nuk vepruan në përputhje me rregullat e tilla duhet të paguanin gjoba prej më shumë se 4.2 milionë euro, sipas Ministrisë Federale të Financave.

Por, Instituti Gjerman për Kërkime Ekonomike (DIW) ka arritur në një shifër dukshëm më të ulët se ajo në studimin e WSI. Sipas DIW, 1.8 milionë punonjës u privuan nga paga minimale në vitin 2016.

Paga minimale u zbatua në Gjermani në vitin 2015. Që nga janari 2017, paga minimale ka qenë 8.84 euro në orë.