Rita Ora sjell verën me hitin „Hot Right Now“

Hiti editohet në ditën e parë të verës. Në Britaninë e Madhe ai është publikuar në shkurt dhe ka zënë vendin e parë në toplista

Saktësisht në ditën e parë të verës kalendarike, më 22 qershor publikohet singli “Hot Right Now” i Dj Fresh dhe Rita Ora. Rita 21 vjeçare me flokët e saj ngjyrë ari performon hitin e zjarrtë veror, e rrethuar nga valltarë temperamentë, ndërkohë që DJ Fresh ngre lartë pulsin me beat-sat e tij.

Në fakt, në Britaninë e Madhe ky singël është edituar në muajin shkurt dhe kishte kërcyer menjëherë në vendin e parë të toplistave britanike. Videoja muzikore e incizuar nga Ben Newmannë një park në Los Angeles ka pasur deri më tash më shumë se 24 milionë klikime në internet.

Këngëtarja kosovare-britanike Rita Ora, që nga viti 2010 është në marrëveshje me Roc Nation. Siç ka deklaruar, ajo frymëzohet më së shumti nga këngëtarja amerikane Gwen Stefani. Rita, në këngët e saj të deritashme ka gjetur mbështetje edhe nga Beyonce Knowles.