Tematike
Iniciativat dhe zgjedhjet për të cilat votohet sot në kantone dhe komuna
Në garat për Asamblenë e Qytetit të Cyrihut, kandidojnë edhe një numër kandidatësh shqiptarë, ndërsa në ato për ekzekutivin e Winterthurit, për herë të parë është një kandidat shqiptar
Krahas dy inciativave për të cilat do të votohet në rrafshin nacional, sot do të ketë votime dhe zgjedhje në 14 kantone lidhur me iniciativa të ndryshme në nivel kantonesh dhe komunash.
Kështu, në Kantonin Baselland do të votohet për të drejtën e votës dhe të zgjedhjes të të rinjve nga mosha 16 vjeçare. Në Kantonin Vaud qytetarët do të votojnë për sigurimin e detyrueshëm të mjekimit të dhëmbëve, shkruan albinfo.ch. Po u votua, një sigurim i tillë do të ishte një risi për gjithë Zvicrën.
Zgjedhje të përgjithshme sot zhvillohen për parlamentet e kantoneve Glarus dhe Nidwalden e Obwalden. Në Kantonin e Friburgut bëhet zgjedhja e pasuesit të këshilltares (ministres kantonale) nga Partia e Gjelbës, Marie Garnier.
Ndërsa në dy qytetet më të mëdha të Kantonit të Cyrihut, në vetë qytetin e Cyrihut dhe në Winterthur sot bëhet zgjedhja e qeverive të qyteteve dhe e parlamenteve, gjegjësisht asambleve përkatëse.
Në qytetin e Cyrihut kemi një sfidim të shumicës së majtë që tradicionalisht e udhëheq këtë qytet. Kandidati i FDP-së, Fillippo Leuteneger, i cili është edhe aktualisht pjesë e ekzekutivit, kandidon për vendin e kryebashkiakut të metropolit zviceran, post ky të cilin e mban Corine Mauch nga SP-ja.
Në qytetin e Winterthurit është e kundërta: këtu SP-ja e cila para disa viteve e ka humbur postin e kryetarit dhe shumicën në ekzekutiv, provon kthimin e të dyjave, shkruan albinfo.ch. Risi në këtë garë është edhe kandidimi për herë të parë i një kandidati shqiptar për një post në ekzekutiv. Fjala është për Blerim Bunjakun, kandidat i pavarur.
Në garat për Asamblenë e Qytetit të Cyrihut, për njërin nga 125 vendet e saj kandidojnë edhe një numër kandidatësh shqiptarë. Kështu, Përparim Avdili është kandidat i FDP-së. Ai është kryetar i degës së qarkut 9 të qytetit të Cyrihut në kuadër të kësaj partie. Po ashtu kandidatë për asamble janë edhe Sabit Gecaj nga CVP-ja, si dhe Islam Aliaj, Reis Luzhnica dhe Kadire Idrizi nga SP.
Të tjera nga Tematike
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve