McAllister për “Die Welt”: Ballkani perëndimor është kthyer në qendër gjeo-strategjike interesi

Politikani europian McAllister tregon se dhe aktorë tjerë po përpiqen të ushtrojnë ndikim mbi Ballkanin perëndimor.

Në debatin për anëtarësimin e Ballkanit perëndimor në BE, politikani europian i CDU, David McAllister, mendon që ta forcojë prej tani rajonin me BE. “Nëse njerëzit vërejnë se procesi shkon hap pas hapi, atëherë rritet gatishmëria për reforma,” tha ai për konservatoren “Die Welt”. Komisioni i BE në shkurt të këtij viti i nxiti për reforma vendet e Ballkanit perëndimor, që të bëhen pjesë e unionit deri 2025. Bëhet fjalë për Serbinë, Malin e Zi, Shqipërinë, Kosovën, Maqedoninë dhe Bosnjën.

Paralajmërime nga ndikimet e huaja

Në të njëjtën kohë McAllister paralajmëroi rritjen e ndikimit të vendeve tjera në rajon. Prej vitesh ka shtim të aktiviteteve nga Turqia, Rusia, Kina dhe Shtetet e Gjirit. “Rusia ka prezencë mediatike në disa vende ballkanike. Pe tenton që përmes desinformacioneve të shtojë ndikimin e saj. Ballkani është zhvendosur në qendër gjeo-strategjike interesi.”

Deri në 2025 gjashtë vendet e Ballkanit perëndimor pritet ti plotësojnë kushtet politike, ligjore dhe ekonomike.