Çavkov dërgohet përsëri në burgun e Shutkës, nuk respektoi arrestin shtëpiak

Kjo për shkak se Mitko Çavkov, dyherë nuk ka qenë në shtëpi gjatë kontrollit policor, informon albinfo.ch.

Ish drejtori i Byrosë për Siguri Publike, Mitko Çavkov, njëherë në orën 18.00 të 27 marsit, ndërsa herën e dytë dy orë e gjysmë më vonë është kontrolluar nga policia në shtëpinë e tij private. Por të dyja herët askush nuk ua ka hapur derën.

Ky kontroll vjen pasi Çavkovit me vendim të Gjykatës Supreme iu caktua masa e arrestit shtëpiak. Pasi Prokuroria në gjykatë ngriti aktakuzë, u kërkua paraburgim i sërishëm edhe për Çavkovin, ndërsa një nga arsyet kryesore pse ai sërish është kthyer në Shutkë, është se ai në kundërshtim me vendimin e Gjykatës Supreme, kokë më vete arrestin shtëpiak nuk e ka mbajtur në adresën që ka në letërnjoftim, por në vend tjetër. Përveç tij në paraburgim u kthyen edhe katër persona tjerë, pasi paraprakisht gjykata më e lartë i liroi nga paraburgimi pesë mujor në burgun hetues.