Tragjedi e rëndë në Hessen: Qeni kafshon për vdekje foshnjën shtatëmuajshe

Gjermania tronditet përsëri nga sulmi i qenve.

Në Darmstadt një qen luftarak i njohur si tepër agresiv, ka kafshuar për vdekje foshnjën shtatëmuajshe. Ngjarja ka ndodhur konkretisht në Bad König (Hessen), ku qeni kafshoi në kokë foshnjën, shkruan bild.de. Sipas Prokurorisë qeni është i racës mikse Staffordshire dhe është paraqitur si tepër agresiv.

Babai (23) dhe nëna (28) janë në shok dhe ky ishte fëmija i parë dhe i vetmi i tyre. Fillimisht gjendja e foshnjës ka qenë mirë, por është përkeqësuar në mënyrë rapide gjatë mbrëmjes, përcjell albinfo.ch.

Vetëm javën e kaluar në Hanover qeni luftarak Chico kafshoi për vdekje nënën (52) dhe djalin e saj (27), të dy me origjinë nga Kosova.