Media austriake: KE do të vlerësojë Maqedoninë dhe Shqipërinë, kritika të mëdha për Turqinë

Tirana zyrtare ka bërë përparime në reformën e drejtësisë, ndërsa gjithashtu Shkupi me qeverinë e re pro europiane do të vlerësohet për tentimin e rregullimit të marrëdhënieve me fqinjët - sidomos me Greqinë dhe Bullgarinë

Të martën komisioneri i zgjerimit europian, Johannes Hahn do të raportojë përpara Parlamentit të BE në Strassburg, për përparimin e shteteve kandidate për anëtarësim.

“Një raport tepër kritik” pritet të jetë për Turqinë, njofton “APA”, duke u mbështetur nga burimet e Brukselit. Raporti do publikohet për Turqinë, Serbinë, Malin e Zi, Bosnjën, Maqedoninë, Shqipërinë dhe Kosovën.

Turqia mes tjerash ka mungesë të theksuar të “ndarjes së pushteteve”. Nuk ka drejtësi të pavarur, si dhe kritika për tensione mes Ankarasë dhe Athinës dhe ofansivës në Afrin. Diçka pozitive pritet të jetë vetëm respektimi i marrëveshjes së refugjatëve me BE.

Përparime për Shqipërinë dhe Maqedoninë

Raporti do të ketë vlerësime për Shqipërinë dhe Maqedoninë. Tirana zyrtare ka bërë përparime në reformën e drejtësisë, ndërsa gjithashtu Shkupi me qeverinë e re pro europiane do të vlerësohet për tentimin e rregullimit të marrëdhënieve me fqinjët – sidomos me Greqinë dhe Bullgarinë.

Serbia dhe Mali i Zi në frontin e parë të negociatave

Serbia dhe Mali i Zi janë më përpara në rrugën e anëtarësimit në BE, por nga qarqet e BE theksojnë se në të dyja vendet ka nevojë për reforma tjera. Serbia dhe Kosova duhet të nënshkruajnë një marrëveshje normalizimi, që të mundësonte raporte të mira fqinjësore.

Në shkurt Komisioni i BE u premtoi gjashtë vendeve të Ballkanit Perëndimor perspektivën europiane dhe se anëtarësimi mund të ndodhte pas 2025, dhe jo tani.

Probleme të mëdha për afrimin me BE, Komisioni i BE sheh akoma për Kosovën dhe Bosnjën.