Shkurt.ch
Ngrihet akuzë kundër imamit ekstremist të Bielit
Imami në fjalë, në njërin nga predikimet e tij thuhet të ketë bërë thirrje për t`i shkatërruar të krishterët, hebrenjtë, hindusët, rusët dhe shiitët
Prokuroria e qarkut Jura-Seefeld të Kantonit të Bernës ka iniciuar procedurën penale kundër imamit Abu Ramadan, të xhamisë Ar-Rahman të qytetit Biel/Bienne. Ky predikues islam, sipas aktakuzës ka kryer shkelje të nenit kundër racizmit, të Kodit Penal të Zvicrës.
Prokuroria e përgjithshme e Bernës ia ka konfirmuar Agjencisë Zvicerane të Lajmeve SDA një raportim mbi këtë temë që e kishte publikuar sot gazeta “NZZ am Sonntag”.
Imami në fjalë, në njërin nga predikimet e tij thuhet të ketë bërë thirrje për t`i shkatërruar të krishterët, hebrenjtë, hindusët, rusët dhe shiitët.
Ndërkohë imami kontrovers ka humbur edhe statusin e refugjatot që e gëzonte më parë si i përndjekur nga Libia, transmeton albinfo.ch. Por ai jeton në Zvicër falë vizës C ose Lejes së përhershme të qëndrimit.
Imami libian, Abu Ramadan, me të cilin mediat prej pothuaj një viti po merren me të madhe për shkak të predikimeve ekstremiste islamike, ka ardhur nga Libia para rreth 20 vitesh. Ndonëse ka fituar status të refugjatit të njohur nga Zvicra, ai ka vizituar disa herë vendin e prejardhjes, Libinë.
Bazuar në këtë rrethanë, Sekretariati Shtetëror për Migracion (SEM) në muajin gusht kishte marrë vendimin për t`ia tërhequr statusin e përmendur, transmeton albinfo.ch. Me vizitat e shumta që ka bërë në Libi, 12 sish, e fundit ka qenë gjatë vitit 2017, imami ka treguar se ai, në vendin prej nga “ishte përndjekur” mund të lëvizte i papenguar.
Imami 64 vjeçar, gjatë gjithë kohës së qëndrimit në Zvicër nuk ka punuar asnjëherë, nëse përjashtojmë predikimet që herë pas here i ka mbajtur në xhaminë “Ar`Rrahman” në Biel/Bienne.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër