Folklori shqiptar në Bruksel

Përfaqësimi i trupës së Ansamblit Kombëtar në këtë edicion i dedikohet polifonisë shqiptare si trashëgimi e UNESCO-s, në kuadër të 60-vjetorit të anëtarësimit të Shqipërisë në këtë organizatë

Shqipëria është prezantuar në Brukselit, por kësaj radhe jo për turizmin e bukuritë natyrore.  Ansambli Kombëtar i Këngëve dhe Valleve Popullore ka marrë pjesë në Festivalin Ndërkombëtar Kulturor “Balkan Trafik”, që po mabahet nga 19-22 prill.

Me një formacion prej 17 artistësh, solistë, grupi i valleve, kompleksi vokal dhe orkestra popullore, me grupin polifonik së bashku me zërin e magjishëm të Hysni Zelës, ata kanë prezantuar këngë e valles nga folklori shqiptar.

Ministrja e Kulturës, Mirela Kumbaro ka theksuar se detyra e promovimit të një imazhi të favorshëm jashtë vendit i takon diplomacisë kulturore. “Roli i kulturës në përmirësimin apo promovimin e imazhit të vendit, është i rëndësishëm. Kemi vite që Shqipëria eksporton kulturë me cilësi të lartë”., ka thënë ajo.

Përfaqësimi i trupës së Ansamblit Kombëtar në këtë edicion i dedikohet polifonisë shqiptare si trashëgimi e UNESCO-s, në kuadër të 60-vjetorit të anëtarësimit të Shqipërisë në këtë organizatë.