Pothuajse çdo student i dytë është i huaj në ETH

Nëntë nga 20 të diplomuarit në ETH nuk kanë një pasaportë zvicerane. A vlejnë investimet miliardëshe për ETH nëse gati gjysma e përfituesve janë të huaj?

(KEYSTONE/Gaetan Bally)

ETH (Universiteti Teknik i Cyrihut) edhe ai EPFL i Lozanës janë ndër universitetet më të mira në botë. Në vitin 2017 janë 31.293 studentë dhe studentë të doktoraturës që ishin regjistruar në këto universitete tekniko-shkencore.

Në vitin 2000, në mesin e studentëve dhe doktorantëve 3820 ishin të huaj në njërin prej dy universiteteve. Vitin e kaluar ka qenë 13014. Përqindja e të huajve është rritur gjatë kësaj periudhe nga 24 në 46 për qind, shkruan albinfo.ch.

Sipas Blick, ky fluks është një dëshmi për reputacionin e shkëlqyer që gëzon Instituti Federal i Teknologjisë në Zvicër në mbarë botën. Zvicra financon çdo vit rreth 2.5 miliardë franga në ETH .

Tarifat e shkollimit për ETH janë jashtëzakonisht të ulëta në krahasimet botërore. Dhe të huajt, qoftë nga Bashkimi Evropian apo vende të tjera paguajnë të njëjtën tarifë si zviceranët.

Përveç kësaj, dituria kthehet prapa në ekonominë zvicerane. “Këtë e kemi vlerësuar. një vit pas diplomimit 72 për qind e të diplomuarve të huaj të ETH-së punojnë në Zvicër. Pas pesë vjetësh, ajo është ende 65 për qind. “, tha Gian-Andri Casutt nga ETH.