Bardhi në histori të La Liga-s

Ai në këtë sezon ka gjithsej shtatë gola të shënuar, por është futbollisti i parë i kësaj skuadre që ka arritur të shënojë pesë gola nga goditjet direkte

Futbollisti shqiptar, Enis Bardhi, të hënën mbrëma ka realizuar edhe një gol nga gjuajtja e lirë, më të cilin u bë pjesë e historisë së La Ligës.

Ai në listën e golashënuesve u regjistrua në minutën e 59-të të ndeshjes kur shënoi për epërsinë 0:2. Ky ishte goli i tij i pestë i shënuar nga goditja e lirë në këtë sezon, ashtu që kjo e vendosi në mesin e pesë futbollistëve të cilët kanë arritur të shënojnë pesë gola nga goditja e lirë në një sezon, shkruan “Alsat”.

Asunsao ka shënuar 5 gola nga 49 goditje, Pernia 5 nga 24, Ronadinjo 6 nga 49 si dhe Messi sezonin e shkuar 6 gola nga 48 goditje. Bardhi sivjet a shënuar pesë gola nga 16 goditje, arritje kjo të cilën nuk e kishte shënuar më parë, përcjell albinfo.ch.

Bardhi është bërë pjesë edhe e historisë së skuadrës së Levantes. Ai në këtë sezon ka gjithsej shtatë gola të shënuar, por është futbollisti i parë i kësaj skuadre që ka arritur të shënojë pesë gola nga goditjet direkte.

https://www.youtube.com/watch?v=5qRxaVPajX8