Integrimi
Arber Bullakaj, zotohet të mbrojë interesat e shqiptarëve
„Për një qytet të bukur“, është motoja e kandidatit të vetëm shqiptar, Arber Bullakaj, i cili garon në zgjedhjet lokale në St.Gallen për asamblenë e qytetit të Willit, që do të mbahen më 23 shtator.
Politikani me prejardhje nga Kosova tha se nëse zgjedhet deputet i qytetit të Willit do të angazhohet për të avancuar pozitën e komunitetit shqiptar.
Ai tha se do të jetë edhe më i zëshëm kur vjen në shprehje ndarja e shkollave ndërmjet të huajve dhe zviceranëve.
„Objektivi im i parë është t’i ndaloj padrejtësitë që po u bëhen të huajve, sidomos shqiptarëve. Nuk do të lejoj ndarjen e shkollave për fëmijët zviceranë dhe fëmijët shqiptarë. Do të angazhohem të mos ketë ndarje të ndërtesave të banimit, ku vendësit mendojnë se në një ndërtesë banimi është e ndaluar të jetojnë edhe të huajt“, tha Bullakaj.
26-vjeçari tha se do të angazhohet politikisht që komuniteti shqiptar të jetë më i integruar në shoqërinë zvicerane.
Politikani shqiptar ka kërkuar edhe votën e shqiptarëve, me premtimin se do të krijojë një urë lidhëse ndërmjet zviceranëve dhe shqiptarëve për t’i afruar njërin me tjetrin, që të ndjehen më të sigurt dhe të barabartë.
„Jam i bindur se shqiptarët në këtë qytet do të kenë më shumë lehtësi në zgjedhjen e problemeve të tyre në komunë, sepse do të jem unë ai që do t’i përfaqësoj interesat e tyre“, tha Bullakaj.
Bullakaj me origjinë nga Prizreni ka thënë për albinfo.ch se në Partinë Socialiste është inkuadruar për faktin se ajo është njëra ndër partitë që ka mbrojtur interesat e komunitetit shqiptar.
“Partia Socialiste i përkrah të huajt këtu në Zvicër. Në këtë parti të huajt gjejnë më shumë respekt sesa në partitë e tjera. Angazhohen për pozitën e të huajve në këtë vend dhe për të drejtat e tyre, po ashtu edhe kanë në fokus mjedisin për një qytet me më shumë gjelbërim sesa ndërtime dhe rrugë”, e arsyeton angazhimin e tij politik në PS politikani shqiptar me prejardhje nga Kosova.
Në Will jetojnë një numër i madh i shqiptarëve dhe deri tash nuk i ka përfaqësuar anjë shqiptar interesat e tyre në parlamentin komunal të këtij qyteti.
Prej kandidatëve në qytetin e Willit në listën numër 1 të PS-së Arbeni radhitet i 10-ti, që do të thotë se gëzon mbështetje brenda partisë.
Arber Bullakaj, 26-vjeçar nga Prizreni, jeton në qytetin e Willit që nga mosha 9-vjeçare. Ai ka të kryer shkollën ekonomike. Aktualisht vepron dhe jeton në po të njëjtin qytet së bashku me familje.
Arberi ka nisur të merret në mënyrë aktive me politikë në PS para 5 vjetësh.
Të tjera nga Integrimi
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Dëmtimi i bustit të Skënderbeut në Gjenevë, reagon Ambasadori i Shqipërisë Në mbrëmjen e së premtes së shkuar, në Gjenevë është dëmtuar busti i heroit kombëtar, Skënderbeut....
-
Kantoni i Cyrihut merr masa kundër antisemitizmit
-
Mbi katër mijë milionerë në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private