Kosova fiton 3:0 ndaj Shqipërisë

Kosova ishte superiore në këtë ndeshje, duke pasur edhe shumë raste shënimi, kurse kuqezinjtë rrezikuan pak, dhe ishin të ‘përgjumur’ në këtë sfidë

Kosova ka fituar në miqësoren ndaj Shqipërisë me rezultat të pastër 3:0, takim që u zhvillua në Cyrih.

Kosova ishte superiore në këtë ndeshje, duke pasur edhe shumë raste shënimi, kurse kuqezinjtë rrezikuan pak, dhe ishin të ‘përgjumur’ në këtë sfidë.

Fillimisht Zeneli shënoi në minutën e 20-të, pas një aksioni mjaft të bukur për të mposhtur Berishën për 1:0.

Kosova ndërtoi edhe një aksion të bukur në pjesën e dytë, ku Zeneli shënoi sërish një gol fantastik. Ndodhi kjo në minutën e 51-të.

Në minutën e 67-të, për Kosovën ka shënuar edhe Edon Zhegrova, duke befasuar Etrit Berishën për 3:0. Ai hyri tetë minuta më parë në lojë, duke zëvendësuar Milot Rashicën.