Bota
Dhjetëra studentë gjykohen për terrorizëm në Turqi
Në Stamboll, 22 studentë nga një prej universiteteve të Turqisë po gjykohen nën akuzat për terrorizëm. Rasti ka marrë një rëndësi të veçantë mes kritikave në rritje lidhur me shtypjen që vazhdon ndërsa në atë vend ende mbretëron gjendja e jashtëzakonshme.
Studentë të Universitetit të Bosforit u arrestuan për organizim të një kundër-proteste ndaj atyre që mbështesnin operacionet ushtarake turke në Siri kundër një grupimi ushtarak kurdo-sirian të njohur me inicialet YPG, shkruan një media shqipëtare, përcjell albinfo.ch.
Mbështetës dhe familjarë të studentëve u mblodhën para gjykatës një ditë më parë, ndërsa vazhdonte gjykimi i tyre. Tevfik Tulay është babai i një studenti të arrestuar.
“Të gjithë jemi kundër luftës. Lufta është e gabuar. Ajo që është e ndershme tani është mbështetja e paqes. Është e lehtë të luftosh, por shumë e vështirë të qëndrosh për paqe, ne po bëjmë këtë të fundit.”
Ozgur, është mamaja e një studenti tjetër që po gjykohet.
“Kemi ardhur të marrim fëmijët tanë. Ata janë të pafajshëm. Ata hodhën disa slogane dhe qëndruan afër një parulle gjatë demonstratës, për këto akuzohen. Duam të besojmë drejtësinë dhe erdhëm të marrim fëmijët tanë.”
Avokatët për 14 studentët që janë të ndaluar prej më shumë se 2 muajsh, thonë se disa prej tyre janë rrahur dhe abuzuar, përcjell albinfo.ch.
Arrestimet pasuan fjalimin e Presidentit Rexhep Taip Erdogan, ku ai i etiketoi studentët si terroristë pasi po protestonin operacionet ushtarake në Siri. Kohët e fundit, Erdogan ka vënë në shënjestër universitetin në mënyrë të përsëritur si qendër rebelimi, duke nxitur dyshimet se pas shtypjes fshihen qëllime politike.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
1 maji në Zvicër, në protesta shënohen disa incidente Rreth 10,000 pjesëmarrës marshuan në qendër të Cyrihut të mërkurën. Motoja e tyre ishte: “Kapitalizmi të...
-
Botohet në gjermanisht libri “Unë kam vrarë” i autores shqiptare, Eni Vasili
-
Rekord i organeve të dhuruara në Zvicër
-
McDonalds do të hapë shtatë restorante të reja në Zvicër këtë vit
-
Zvicër: Së shpejti pritet ulje e çmimit të faturave të energjisë elektrike