Ministria e Mjedisit dhe Ambasada Suedeze thellojnë bashkëpunimin në fushën e mjedisit

Ministrja e Mjedisit dhe Planifikimit Hapësinor Albena Reshitaj gjatë ditës së sotme ka pritur në takim Ambasadorin Suedez në Kosovë Henrik Nilsson, shkruan albinfo.ch

Nilsson ka qenë i shoqëruar nga stafi i ambasades që përcjellin projektet e financuara nga Suedia.

Sipas njoftimit të MMPH-së, ministrja  Reshitaj ka prezantuar prioritetet dhe veprimet e saj, në përmirësimin e gjendjës së mjedisit në Kosovë. Ajo ka falënderuar shtetin Suedez për përkrahjen e vazhdueshme që po i jep Kosovës, e në veçanti në fushën e mjedisit, me ç ‘rast vlerësoi se Suedia është një shembull shumë i mirë për tu ndjekur sa i përket çështjes së mjedisit dhe zgjidhjes së problemeve mjedisore.

“Ministrja po ashtu shfaqi shqetësimin e saj meqë nuk ka  informata për burimet ujore që ka Kosova që nga viti 1984 dhe se është e interesuar që të fillojë me hulumtime për të vrojtuar situatën aktuale të kapaciteteve ujore që ka Kosova”, thuhet në njoftimin e MMPH-së, shkruan albinfo.ch.

Ambasadori Nilsson gjatë takimit sipas njoftimit, ka theksuar  bashkëpunimin e mirë afatëgjatë që ekziston mes Suedis dhe Ministrisë së Mjedisit dhe Planifikimit Hapësinor.

“Mjedisi dhe ndryshimet klimatike janë fushë e një rëndësie të veçant dhe se bashkepunimi ndërkombëtar është kyq për arritjen e suksesit”, ka thënë Nilsson.

Ambasadori Nilsson, përmendi mbrojtjen e mjedisit si një  fushë shumë të rëndësishme për integrimet Evropiane të Kosovës.

“Për Qeverin Suedeze mbrojtja e medisit dhe ndryshimet klimatike janë prioritet i lartë.

Suedia është duke punuar në procesin e një bashkpunimi të  ri  katër vjeçar të mbështetjës institucionale mes Agjencionit Suedez për Mbrojtje të Mjedisit dhe Agjencionit për Mbrojtje të Mjedisit të Kosoves e planifikuar të fillojë vitin tjetër”, ka thënë tutje Nilsson, shkruan albinfo.ch