Manicone: Heroi ynë do të luaj kundër Serbisë

Valon Behrami pritet të luajë nga minuta e parë ndaj Serbisë të premten

(KEYSTONE/Laurent Gillieron)

Ndeshja me Serbinë po afrohet, dhe dilemat po shkojnë drejt fundit se kush do të luajë e kush jo.

Por, ndihmëstrajneri i Zvicrës, Antonio Manicone, ka dhënë lajmin e shumëpritur. “Valon Behrami është mirë. Ai është stërvitur me ekipin, para se të punonte në mënyrë individuale”, ka thënë Manicone për mediat zvicerane, përcjell albinfo.ch.

Ai siguroi se heroi i Zvicrës do të luajë të premten kundër Serbisë. “Valon Behrami është mirë. Ai ka përvojë dhe mund të jemi optimist se do të luaj”, ka shtuar tutje ndihmëstrajneri i Zvicrës.

Takimi Zvicër-Serbi do të zhvillohet të premten nga ora 20:00. Nati e filloi me barazim Botërorin, duke ndaluar Brazilin, derisa Serbia mundi Kosta Rikën 1:0.