Aksident i rëndë në Bellinzona, dy persona humbin jetën

Në një aksident të rëndë, në autostradën A2 në afërsi të Bellinzonës, dy shtetas italianë kanë humbur jetën duke punuar në vendosjen e pengesave të zhurmës.

Shtetasit italianë të moshës 25 dhe 36-vjeçare u aksidentuan nga pllaka të drunjta përderisa kanë qenë duke vendosur barriera të zhurmës.

Aksidenti ka ndodhur pak para orës 13.30 në Camorino, ka njoftuar Policia Kantonale në Tessin gjatë të hënës, transmeton Albinfo.ch. Të dy personat kanë dashur ta ngritin lart një pllakë të drunjtë 10 metra të gjerë dhe 2.5 metra të lartë, kur papritmas ajo bie nga lartë dhe i godet viktimat.

Përkundër përpjekjeve për ringjallje, personat në fjalë ndërruan jetë në vendngjarje, pas lëndimeve të rënda. Shkaqet e aksidentit janë në rrjedhë e sipër.