Goditet për vdekje nga makina një 43-vjeçare në Shtime 

Një grua 43 vjeçare ka vdekur pas lëndimeve të marra pasi u godit nga një veturë.

Një 43-vejçare ka vdekur, pasi është goditur nga një veturë në pasditen e sotme në hyrje të Shtimes.

Policia thotë se sipas raporteve të para, ngasësja e automjetit me inicialet  V.SH. 37-vjeçare, e cila ishte duke qarkulluar në relacionin Ferizaj-Shtime, nga pakujdesia godet këmbësoren  L.V. e cila ka pësuar lëndime të rënda trupore dhe është dërguar për tretman mjekësor në QKUK  ku edhe ka vdekur.

“Trupi i pajetë i viktimës, me urdhër të Prokurorit të shtetit dërgohet për obduksin, ndërsa ngasësja e  veturës është ndaluar për 48 orë”, thuhet në njoftimin e policisë.