Qeveria mirëpret rekomandimin pozitiv për vizat

Qeveria e Kosovës ka mirëpritur rekomandimin pozitiv nga ana e Bashkimit Europian për liberalizim të vizave.

Kryeministri Ramush Haradinaj thotë se e mirëpret rekomandimin pozitiv për liberalizimin e vizave për qytetarët e Kosovës nga Komisioni Evropian, dhe vlerëson se kjo është dëshmi e ecjes drejtë integrimit të plotë të vendit tonë në strukturat euroatlantike.

“Kjo shpreh edhe një herë përcaktimin e gjithë kosovarëve për një të ardhme euroatlantike, duke praktikuar vlerat demokratike civilizuese perëndimore”, ka thënë Haradinaj.

Haradinaj dhe thotë se janë të vëtdijëshëm që ka punë për të bërë dhe sfida, për të cilat do të ketë angazhim konkret, institucional dhe nga e gjithë shoqëria.

Haradinaj ka thënë se ekzekutivi kosovar garanton  mbështetje institucionale për respektimin e kritereve, rregullave dhe procedurave që lidhen me këtë rekomandim të Komisionit Evropian. Qeveria pret që ky rekomandim do të marr mbështetjen edhe nga Parlamenti Evropian dhe nga Këshilli i Ministrave, në mënyrë që lëvizja e lirë e qytetarëve të Kosovës në vendet evropiane të bëhet realitet deri në fund të këtij viti.