Shqipëria
Forcohet bashkëpunimi strategjik Shqipëri- Kroaci
Shqipëria dhe Kroacia kanë forcuar bashkëpunimin strategjik mes vete.
Presidenti i Shqipërisë, Ilir Meta është deklaruar gjatë ditës së sotme në lidhje me miqësinë shekullore mes shqiptarëve dhe kroatëve.
Ai është takuar me homologen e tij kroate Kolinda Grabar-Kitaroviç në konferencën e përbashkët të zhvilluar në ambientet e Presidencës.
“Me Kroacinë kemi marrëdhënie të shkëlqyera shumëshekullore dhe lidhje të forta historike. Kroacia ka qënë dhe mbetet mbështetëse e fortë e çeljes së negociatave të anëtarësimit të Shqipërisë në Bashkimit Europian. Modeli dhe eksperienca e Kroacisë në Bashkimin Europian është shumë e vyer për ne shqiptarët. Po kështu, si dy vende anëtare në NATO, ne ndajmë vizione dhe interesa të përbashkëta në fushën e sigurisë dhe për këtë kemi një bashkëpunim shumë të mirë dhe të konsiderueshëm e do të vazhdojmë akoma më tej në të gjitha aspektet”, ka thënë Presidenti Meta.
Presidentja kroate ka thënë se diskutimi i sotëm me Metën lidhet me forcimin e bashkëpunimit mes dy vendeve.
“Shqipëria ishte mikja e Kroacisë, atëherë kur miqtë ishin të paktë. Dialogu ynë ka lindur që në vitet e para të pavarësisë tonë dhe ne sot diskutuam për të fuqizuar edhe më tej bashkëpunimin mes dy vendeve. Nga 18 mijë shqiptarë që jetojnë në Kroaci, 2500 prej tyre ishin vullnetarë në luftë dhe disa humbën jetën e të tjerë u zhdukën”, tha Kitaroviç.
Po ashtu në konferencë u përmend edhe bashkëpunimi në disa fusha.
“Dy vendet tona po punojnë që së shpejti të ngrejmë nivelin e bashkëpunimit me atë të partneritetit strategjik. Në marrëdheniet dypalëshe një vëmendje të veçantë zë bashkëpunimi ekonomik, pasi potencialet e dy vendeve, po ashtu dhe ato rajonale janë të jashtëzakonshme. Interesat e dy vendeve janë të përbashkëta dhe komplementare, kuadri i përbashkët ligjor na krijon të gjitha mundësitë për bashkëpunim, veçantërisht në fushën e turizmit, energjetikës, infrastrukturës”, tha Meta.
Të ngjashme
Të tjera nga Shqipëria
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse