Gjiganti i orëve “Swatch”, fitime rekord në gjysmën e parë të viti”

Shitjet neto u rritën me 14.7 për qind dhe arritën në 4.27 miliardë franga

“Swatch” është i njohur për orët e saj plastike me ngjyra, por gjithashtu ka një numër të markave luksoze, duke përfshirë edhe “Breguet” dhe “Omega”, shkruan albinfo.ch.

Shitjet kishin shënuar rënie më parë për shkak se konsumatorët në mbarë botën janë të orientuar drejt smartphones dhe orëve të zgjuar.

Situata tani është e kundërt për shkak të kërkesës së lartë për orët në Azi dhe Amerikën e Veriut. Shitjet neto u rritën me 14.7 për qind dhe arritën në 4.27 miliardë franga.

Fitimi neto u rrit me 66.5 për qind në 468 milionë franga, dhe fitimi operativ u rrit me 69.5 për qind dhe arriti në 629 milionë franga.

Kompania ka shtuar se pret rritjen e shitjeve më tej në gjysmën e dytë të vitit.