CH-Ballkani
Kuvendi i Kosovës, mungesë numrash
Kuvendi i Kosovës po vazhdon të ketë problem me numrat. 45 minuta u janë dashur deputetëve të Kuvendit për të nisur seancën e rregullt.
Por, edhe ajo nuk zgjati shumë. Seanca nisi me futjen në rend dite të disa projektligjeve, në mesin e të cilëve edhe Projektligji në lexim të dytë për shërbimet postare, ku deputeti Dardan Sejdiu e paraqiti atë si projektligj që i ndihmon Postës së Kosovës për daljen nga situata që aktualisht është. Nuk u përkrah nga deputetët, siç nuk është përkrahur edhe projektligji për dhënien në shfrytëzim të pronës së komunës. E as nuk kaloi në lexim të dytë Projektligji për noterinë, pasi deputetët, edhe pse të pranishëm në sallë, rreth 80 sosh, nuk po merrnin pjesë në votim.
Bojkot të qëllimshëm e ka cilësuar kryetari i Kuvendit, Kadri Veseli, këtë gjë. Ai dha pauzë prej 15 minutash, duke thirrur mbledhjen e Kryesisë. Pas pauzës u tha se janë marrë vesh që të gjithë deputetët të marrin pjesë në votim. Por, në seancë, kur u hodh në votim neni 1 i projektligjit për Ratifikimin e Marrëveshjes Financiare për IPA 2017, dy herë nuk kaloi, pasi LDK-ja nuk votoi. Shefi i GP të LDK-së, Avdullah Hoti, ka thënë se ky Kuvend nuk është funksional. Ai tha se ata do të vazhdojnë ta thellojnë krizën në Kuvend, derisa vendi të shkojë në zgjedhje. Ndërsa, shefi i GP të PDK-së, Memli Krasniqi, ka propozuar që Kuvendi të shkojë në pushim veror deri në shtator. Më pas, sërish është ndërprerë seanca dhe sërish është thirrur mbledhja e Kryesisë, ku u vendos që seanca të vazhdojë pasdite.
Të tjera nga CH-Ballkani
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter