Mërgimtarët fajësojnë policinë dhe institucionet për pritjet në kufi

5 orë kanë pritur qytetarët për të hyrë në Kosovë nëpërmjet pikës kufitare në Merdarë. Me orë të tëra kanë pritur edhe shumë të tjerë për të dalë nga Kosova.

Mërgimtarët kanë thënë se fajtor për këtë janë Policia dhe institucionet shtetërore që nuk po ndërmarrin asgjë për të reduktuar pritjet në pikëkalimet kufitare, përcjell albinfo.ch.

Mërgimtarët thonë se askund nuk kanë pritur më shumë se këtu. Sipas tyre, gjatësia e kolonës arrinte në mbi 2 km dhe pjesëtarët kufitarë nga ana e Serbisë punonin shumë ngadalë, duke përmendur këtu edhe punimet që po bëhen për pikë të re kufitare.

Por edhe për të dalë nga Kosova gjatë ditës ka pasur kolona të gjata.  Ministri i Punëve të Brendshme, Bejtush Gashi, ka thënë se te pala kosovare mund të pritet 2 ose 3 minuta, por vonesat për të hyrë në Kosovë po i shkakton pala serbe.