Vdiq aktori Sylejman Lokaj

Aktori dhe regjisori Syleman Lokaj ka vdekur sot në moshën 85-vjeçare.

Lajmin për vdekjen e aktorit Syla e ka bërë të ditur faqja e teatrit të Gjakovës që ka njoftuar se të dielën do të mbahet një mbledhje komemorative në teatrin “Hadi Shehu”.

“Me dhimbje dhe pikëllim të thellë pranuam lajmin për ndarjen nga jeta ne moshen 85-vjeçare të aktorit doajen, regjisorit dhe autorit te shumë veprave Sylejman Lokaj”, thuhet në njoftimin e teatrit të Gjakovës.

Më tutje faqja e teatrit ka shprehur ngushëllime për familjen e Lokajt.

“Shprehim ngushllime gjithë komunitetit artistik dhe familjes Lokaj për humbjen e ikonës së artit skenik Shqipëtar. Ju njoftojmë se nesër me datë 05.08.2018 ne ora 12:00 ne teatrin “Hadi Shehu” ne Gjakovë mbahet mbledhja komemorative”.

“Ndarja fizike asnjeherë nuk do të na pamundēsoj kujtimin dhe ndjekjen e shembullit të mirë të një njeriu dhe artisti të madh. Pusho në paqe baca Sylë”, thuhej në njoftim.