Kosova
Bashkatdhetarët nga Zvicra bëjnë me shtëpi dy familje në Gjilan
“Falënderoj pesë donatorët, bashkatdhetarë nga Zvicra, në rastin e ndërtimit të shtëpisë së Shabanit, në kuadër të aksionit të madh “Pak nga ne, shumë për ata”, ka thënë kryetari i Gjilanit, Lutfi Haziri
Komuna e Gjilanit në bashkëpunim me donatorët, ka inauguruar dy shtëpi të reja për familjet me gjendje të rëndë sociale, përkatësisht për familjen e Nazmi Ilazit nga Livoç të Epërm (renovim i plotë) dhe për familjen e Shaban Zahirit.
Kreu i Gjilanit, Lutfi Haziri, pasi ka falënderuar donatorët për solidaritetin, ka thënë se përfundimi i këtyre dy shtëpive arrin në 65 sosh për familjet në nevojë, pas Gala Mbrëmjes humanitare “Pak nga ne, shumë për ata”, e cila është realizuar me iniciativën e tij në tetorin e vitit 2014, përcjell albinfo.ch.
“Falënderoj pesë donatorët, bashkatdhetarë nga Zvicra, në rastin e ndërtimit të shtëpisë së Shabanit, në kuadër të aksionit të madh “Pak nga ne, shumë për ata”, ka thënë kryetari i Gjilanit, Lutfi Haziri, pas inaugurimit.
Haziri ka njoftuar se Komuna është duke e bërë gati edhe një banesë për një nënë vetëushqyese, ndërkaq ka theksuar se janë ndarë 36 mijë euro për shoqatat që janë të specializuara për t’i trajtuar fëmijët me nevoja të veçanta.
Ndërkaq, Shaban Zahiri është shprehur tejet i emocionuar, duke falënderuar kryetarin Lutfi Haziri dhe donatorët që e bën me kulm mbi kokë.
Gjatë inaugurimit, kryetari i Gjilanit, Lutfi Haziri, ka apeluar të gjithë njerëzit e vullnetit të mirë që të vazhdojnë të bëhen solidar për t’u dalë në ndihmë familjeve me probleme të banimit dhe strehimit.
Të ngjashme
Të tjera nga Kosova
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut